James HoggGin ye'll mairry me, lassie,
at the kirk o' Birnie Bouzle
Till the day ye dee, lassie, ye will ne'er repent
it
Ye will wear when ye are wed a kirtle and a
Hieland plaid
And sleep upon a heather bed sae couthy and sae
canty
Ye will gang sae braw, lassie, tae the
kirk o' Birnie Bouzle
Little brogues an' a', lassie, vow, but ye'll be
canty
Your wee bit tocher is but sma', but hodden grey
will wear for a'
And I'll save my siller tae mak ye braw an' ye
will ne'er repent it
Gin ye'll mairry me, lassie, at the
kirk o' Birnie Bouzle
Till the day ye dee, lassie, ye will ne'er repent
it
We'll hae bonnie bairns an' a', some lassies fair
an' laddies braw
Just like their mither ane an' a', an' yer
faither he's consented
Gin ye'll mairry me, lassie, at the
kirk o' Birnie Bouzle
Till the day ye dee, lassie, ye will ne'er repent
it
We'll hunt the otter an' the brock, the hart, the
hare, the heather cock
An' I'll pu' ye limpets frae the rock tae mak yer
dishes dainty
Gin ye'll mairry me, lassie, at the
kirk o' Birnie Bouzle
Till the day ye dee, lassie, ye will ne'er repent
it
As sung by Cilla Fisher & Artie Trezise