(Marion Angus / Dave Whyte)
Hameward you're traivelling in the saft hill rain
The day lang by that you wearied o' the glen
Nae ring upon your hand, nae kiss upon your moo'
Quiet noo
Nae ring upon your hand, nae kiss upon your moo'
Quiet, quiet noo
There's fiddlers an' dancin' and steps gaun by the doors
Nane o' them sall fret ye in the lang nicht hoors
Peace come on the wind and peace fa' wi' the dew
Quiet noo
Peace come on the wind and peace fa' wi' the dew
Quiet, quiet noo
Cauld was the lift aboon ye, the road baith roch an' steep
Nae farther sall ye wander nor greet yersel' tae sleep
My ain wild lass, my bonnie-hearted do'e
Quiet noo
My ain wild lass, my bonnie-hearted do'e
Quiet, quiet noo
( as sung by Jean Redpath)