(Duncan MacGillivray / Trad)
I hae seven braw new goons, anither seven tae mak'
But yet for all my braw goons my laddie has turned his back
Besides I've seven milkin' kye, and Sandy has but three
But yet for a' my good kye the laddie winnae hae me
My daddy's a delver o' the dyke, my mother can card and spin
And I'm a fine fit canty lass, the siller comes clinking in
The siller comes clinking in, and it's fu' grand tae see
Fifty times I've wondered now what ails the lads at me
Whenever our auld dog does bark fast tae the door I rin
Tae see gin ony blythe young spark will light and venture in
But sic a lad ne'er yet has come tho' mony an ane gaes by
Far ben the hoose I rin, a waeful wight am I
Seven braw new goons I hae, anither seven tae mak'
But yet for all the goons I hae the laddies don't want tae crack
When I was first at my prayers I prayed but once a year
I prayed for a handsome young man, a lad wi' muckle gear
But now when I'm at my prayers I pray both night and day
And if a beggar man would come wi' him I would surely gae
And oh what will come o' me, whatever shall I do
In spite o' a' my braw goons there's no one here tae woo
(as sung by The Battlefield Band)