Henry's Songbook

        Hark away! hark away!
        O'er the bonnie hills o' Kielder
        Hark away!

Hark! hark! I hear Lang Will's clear voice sound through the Kielder glen
Where the raven flaps her glossy wings an' the fell fox has his den
And the shepherds they are gaitherin' up wi' mony's the good yauld grew
The wiry terrier fleet and keen an' foxhound neat and true

There was Moudy there frae Emmethaugh there was Royal frae Bakethinn
There were hounds frae Reed an' Kielderheid and Ruby by the Linn
There were hounds of fame frae Irthingside tae try baith moss an' crag
Hark! hark! that's Moudy's loud clear note he has bold Reynard's drag

And away away o'er bank an' brae they drive the wily game
Where Moudy Ruby Royal still uphaud their glorious fame
Come see the lithe yald shepherd lads how Monkside heights they climb
They're the pride o' a' the borders wide for wind and wiry limb

Thro' yon bright glen they view him now straight for the Yearning Linn
O'er peat and hagg and moss and crag sae glorious is the din
Weel dune, hurrah! they've run him doon yon Moudy twirls him now
For the hunt is done and his brush is won and I hear the death halloo

(as sung by Archie Fisher)

[1986:] From the singing of Willie Scott and the School of Scottish Studies. A Northumbrian song now established on both sides of the Border. Written by James Armstrong of Redesdale in the 19th century. (The Scottish Folksinger 144/156)