MySongBook.de

Henry's Songbook

© All original copyrights respected / For private use only

go to  de   Susannes Folksong-Notizen   English Notes  uk

Hey How Johnie Lad

  • (Trad / Robert Burns)

    Hey how my Johnie lad
    Ye're no sae kind's ye should hae been
    Gin your voice I hadna kent
    I could na eithly trow my een
    Sae weel's ye micht hae tousled me
    And sweetly prie'd my mou bedeen
    Hey how my Johnie lad
    Ye're no sae kind's ye should hae been

    My faither he was at the pleugh
    My mither she was at the mill
    My Billy he was at the moss
    And no ane near our sport tae spill
    The feint a body was therein
    There was nae fear of being seen
    Hey how my Johnie lad
    Ye're no sae kind's ye should hae been

    Wad ony lad who lo'ed her weel
    Hae left his bonnie lass her lane
    Tae sigh and greet ilk langsome hoor
    And think her sweetest minutes gane
    O had ye been a wooer leal
    We should hae met wi hairts mair keen
    Hey how my Johnie lad
    Ye're no sae kind's ye should hae been

    But I maun hae anither jo
    Whase love gangs never oot o' mind
    And winna let the moment pass
    When tae a lass he can be kind
    Then gang your wa's to blinken Bess
    Nae mair for Johnie shall she green
    Hey how my Johnie lad
    Ye're no sae kind's ye should hae been

    Repeat 1

    eithly - easily
    trow - trust
    prie'd my mou bedeen - tasted my mouth at once
    spill - spoil
    feint a body - not a soul
    greet - cry
    leal - true
    green - long for

    As sung by Andy M. Stewart

    Tune: The Lasses of the Ferry

Susannes Folksong-Notizen

  • [1989:] There is an unsigned version of Hey How in the fourth volume of 'The Scots Musical Museum' containing some alterations and an extra verse from that found in David Herd's manuscript (1776). It is unclear as to how much Burns had to do with this song, but according to an authority on Burns, Robert D. Thornton, Burns had to find a tune, as Herd mentions none, and work out words and melody. These words are set to the tune The Lasses of the Ferry. Apparently, no one before Burns had ever set these words to that melody. (Notes Andy M. Stewart, 'Songs of Robert Burns')

Quelle: Scotland

go back de  H-Index uk


Henry
© Sammlung : Susanne Kalweit (Kiel)
Layout : Henry Kochlin  (Schwerin)

aktualisiert am 19.03.2004