Words Lady Nairne / tune Neil Gow
Wha'll buy my caller herrin', they're bonnie fish and halesome farin'
Buy my caller herrin', new drawn frae the Forth (caller - fresh, just caught)
And when ye're sleepin' on your pillows
Dreamt ye aught of our puir fellows
Darklin' as they faced the billows
A' tae fill oor woven willows
Buy my caller herrin', they're bonnie fish and halesome farin'
Buy my caller herrin' new drawn frae the Forth
And when the creel o' herrin' passes
Ladies clad in silks and laces
Gaither in their braw pelises
Toss their heads and screw their faces
Buy my caller herrin', they're bonnie fish and halesome farin'
Buy my caller herrin' new drawn frae the Forth
Noo neebor wives come tent ma tellin'
When the bonnie fish you're sellin'
At a word be aye your dealin'
Truth will stand when a' things failin'
Buy my caller herrin', they're bonnie fish and halesome farin'
Buy my caller herrin' new drawn frae the Forth
Wha'll buy my caller herrin', they're no' brought here wi'oot brave darin'
Buy my caller herrin', ye little ken their worth
As sung by Cilla Fisher
(Original in the Penguin Book of Scottish Verse, 362f)