Trad
As I gae'd in by Huntly toon one morning for tae fee
I met wi' Bogie o' Cairnie, and he fell in wi' me
Tae ca' his twa best horses, or cart, or harrow, or plough
Or do anything aboot fairmwork I very well could do
Now Bogie had a daughter, and her name was Isabelle
The primrose of the valley, she was the lily o' the dell
And when she went out walking she would take me for her guide
Doon by the burn o' Cairnie, to watch sma' fishes glide
And when three months were past and gone, the lassie lost her bloom
The red fell from her rosy cheeks and her eyes began to swoon
And when nine months were past andgone, she brought forth to me a son
And I was quickly called for to see what could bedone
I said I would marry her, but no, that wouldnae do
He said, You're no match for my bonnie belle, and she's nae match for you
And noo she's married tae a tinkerchiel wha bides in Huntly toon
He mends pots and pans and paraffin lamps and tramps the country roon'
And maybe she's gotten a better match,auld Bogie cannae tell
Fareweel ye lads o' Huntly side, and Bogie's bonnie belle
As sung by Iain MacKintosh (and others, with minor changes)
Ae Whitsun day in Huntly toon, it's there I did agree
Wi' Bogheid o' Cairnie, his six months for tae fee
Tae drive his twa best horses, likewise his cairt and ploo
And tae dee ae thing aboot fairmwark that richtweel I can do
Noo Bogie had a dochter wha's name was Isabelle
The floo'er o' her nation, there's nane her could excel
She had rosy cheeks and ruby lips and hair a darkish hue
She was neat, complete and handsome and comely for tae view
One day she went a-ramblin', and chose me for her guide
Tae tak' a pleasant walk wi' her alang by Cairnieside
I've slipped my airm aboot her waist and tae the groond did slide
And it's there I've had ma first braw nicht wi' the Belle o' Bogie's side
The blackbird sang sae sweetly and the mavis sang sae shrill
And a' the chorus o' their sang was, There lies Bogie's Belle
Amang the weeds o' Cairnie, upon the grass sae green
Then she and I rose up again for fear we would be seen
Ere twenty weeks had passed and gone,this lassie lost her bloom
Her rosy cheeks grew pale and wan, and she began tae swoon
Ere forty weeks had passed and gone this maid brought forth a son
And I was quickly sent for tae see what could be done
Auld Bogie heard my story and cried, I am undone
Since ye beguiled my dochter my sorrows are begun
Ah says, Auld man, ye're fairly richt, and I hung my heid in shame
I mairry Belle the morning, Ah'll gie the bairn ma name
Ah but though I said I'd wad the lass,na na, that wouldnae dae
Ye're nae a fittin' match for Belle, nor's she a match for ye
And he sent me packin' doon the road wi' nae penny o' ma fee
Say I, Ye lads o' Huntly toon, a lang fareweel tae ye
And noo she's mairried wi' a tinklerlad wha's name it's Soutar John
He hawks his pans and ladles aroon' by Fogey Loan(?)
And maybe she has gotten a better match, auld Bogie cannae tell
But it's me wha's ta'en the maidenheid o' Bogie's bonnie Belle
As sung by The Gaugers (to a tune slightly different from the usual one)