© Please respect my copyright ! / For private use only
Ungenehmigte Aufführung und Reproduktion in jeglicher Form nicht gestattet.

Kirschlikör

1. Dat 'Sülfst-Ansetten' vun Likör weer bi uns wohl bekannt,
   Mien Vadder kreeg de Ledder rut un nähm mi bi de Hand :
   "Hör to - mien Söhn - du kledderst ropp un plückst den Kirschboom leer -
   Mark di - een Kiep is för de Köök, de Annern sünd för'n Likör !"

Chorus :

• Falla-Didel-Deidel-Dum, Falla-Didel-Dei-Da, Falla-Dideldei-Dideldei-ey
  Falla-Didel-Deidel-Dum, Falla-Didel-Dei-Da, Falla-Dideldei-Dideldei-ey
2. Uns Nahwer hett een Weetenfeld, doch hett he groote Not,
   Denn is de Ernte noch so good, he hett man wenig Brot,
   He hett sien Korn fein destilliert in'n dicken Bottich stohn,
   Un Vadder nähm sien grötstes Faß, he wull dorvun wat hol'n.

Chorus :

• Falla-Didel-Deidel-Dum, .....
3. Peer un Wogen weern fullbeloden un Vadder sät op den Bock.
   He seggt: "Ick mutt mol eben weg, paß good op Mudder op."
   Na dree Dag weer he noch nich trüch un Mudder ward dat to bunt,
   Se schickt denn ünsern Dörpgendarm em seucken mit sien Hund.

Chorus :

• Falla-Didel-Deidel-Dum, .....
4. Nanu dor kummt de Hund alleen - "ach Gott, nu sünd se dod" ,
   Weent Mudder un denn schickt se na den Paster in eer Not.
   "Sankt Spiritus", seggt he to eer und nähm eer in den Arm,
   "De führt mi g'wiß den rechten Weg to Vadder un den Gendarm".

Chorus :

• Falla-Didel-Deidel-Dum, .....
5. Na dree Dag weern se wedder dor, fix duhn - doch sonst gesund,
   Dat groote Faß dat weer meist leer und dat weer ook de Grund,
   De Paster und de Dörpgendarm und Vadder in de Mitt'
   De sung'n dat Leed vun Kirschlikör un wi sung'n alle mit ...

Chorus :

• Falla-Didel-Deidel-Dum, ..... 2 X

Text : © H-H.Kochlin, 1/1986
Arr.: De QuarteersLüüd - 1998
Weise: Trad. - Rare Old Mountain Dew

   Index